Lauman sang mga motorista ang pagsaka sang presyo sang produktong petrolyo sa masunod nga semana, matapos ang pila ka serye sang price rollback sang tinalikdan.
Santo sa apat ka adlaw nga international trading, suno kay Department of Energy-Oil Industry Management Bureau Assistant Director Rodela Romero, may yara sang lauman nga increase nga P0.60 tubtob P1.00 sa kada litro sang Gasolina, P0.10 tubtob P0.50 sa kada litro sang Diesel kag P0.10 tubtob P0.30 sa kada litro sang Kerosene.
Suno sa energy official, ang increase sa oil price ang bangod sa nagasaka nga tensyon sa Middle East kun sa diin nagpadala sang military strikes ang US sa Houthis kag pagnubo sang fuel inventories santo sa US government data.
Masami gina-anunsyar sang oil firms ang official price adjustment kada Lunes nga ginapatuman pagkasunod nga adlaw.
