Matapos ang big-time nga pagnubo sa presyo sang produktong petrolyo sang nakaligad, lauman naman nga magasaka ang retail price sa masunod nga semana.
Suno kay Department of Energy-Oil Industry Management Bureau Assistant Director Rodela Romero, santo sa international oil trading lauman nga may increase sa domestic pump prices.
Ang gasolina ang magasaka sa presyo nga P0.20 tubtob sa P0.45 kada litro, ang diesel ang magasaka tubtob sa P0.20 ukon ini ang magapabilin sa amo nga presyo, samtang ang kerosene naman ang magasaka sa P0.45 tubtob sa P0.55 kada litro.
Masami nga gina-anunsyar kada Lunes ang aktwal nga price adjustment.
Epektibo sa Setyembre 03, 2024 ang pagbag-o sa presyo sang produktong petrolyo.
Ang pagsaka sa presyo sang produktong petrolyo ang resulta sang padayon nga konflikto sa Middle East kag pag-untat sang oil production sa Libya.
Samtang, maapektohan ang oil prices subong nga bulan sang Setyembre bangod sa pag-utod sang interest rates sang U.S. Federal Reserve.
