Gina-abisohan ang mga motorista sa ginalauman nga pagsaka sang presyo sang produktong petrolyo sa masunod nga semana.
Santo sa apat ka adlaw nga international petroleum trading ang estimated per-liter price hike sa kada litro sang Gasolina ang yara sa P0.85 tubtob P1.35, Diesel nga may P0.75 tubtob P1.25 kag Kerosene nga may P0.95 tubtob P1.10 nga saka sang presyo.
Suno kay Department Energy of Energy-Oil Industry Management Bureau Assistant Director Rodela Romero, ang oil price hike ang bangod sa pagdagdag sang sanction sang Estados Unidos sa Iran nga posible makapadula sang one million barrels per day sa global supply, kag padayon nga giyera sa Russia kag Ukraine nga naga-apekto sa energy installations kag pagpamahog sang Estados Unidos sang taripa sa mga nasyon nga nagabakal sang crude oil sa Venezuela.
Masami nga gina-anunsyar sang fuel firms ang official price adjustments kada Lunes nga ginapa-implementar pagkasunod nga adlaw.
