Lauman ang pagnubo sang presyo sang produktong petrolyo sa masunod nga semana.
Santo sa international trading sang tinalikdan nga apat ka adlaw, suno kay Department of Energy-Oil Industry Management Bureau Assistant Director Rodela Romero, lauman nga magapabilin sa amo nga preyso ang kada litro sang Gasolina ukon may pagnubo nga P0.30.
Samtang. lauman naman ang price decrese sa Diesel sa P0.20 tubtob P0.50 kada litro kag Kerosene sa P0.10 tubtob P0.25 kada litro.
Suno sa Energy official, ang price adjustment ang kasunod sang pag-anunsyar sang nagapanguna nga oil exporter sa kalibutan nga amo ang Saudi Aramco, sang pagpasaka sang presyo sini sa mga nagabakal sa Asia para sa delivery sa bulan sang Marso apisar sa nagasaka nga demand sa China kag India.
Isa man sa rason sang adjustment amo ang pagnubo sang production sang OPEC sa tunga sang manubo nga output halin sa Iran kag Nigeria; kag ang pag-impose ni US President Donald Trump sang tarrif sa Canada, Mexico kag China.
Masami nga gina-anunsyar kada Lunes ang aktwal nga price adjustment nga ginapatuman pagkasunod nga adlaw.
