Lauman ang liwat nga pagnubo sang presyo sang produktong petrolyo sa masunod nga semana.
Suno kay Department of Energy-Oil Industry Management Bureau Assistant Director Rodela Romero, lauman ang pagnubo sang oil price para sa Diesel nga P1.00 tubtob P1.35 kada litro, Kerosene nga P1.30 tubtob P1.45 kag Gasolina nga P0.30 tubtob P0.75 kada litro.
Suno sa energy official, ang rason sa oil price rollback amo ang pagpasaka sang OPEC sang oil production sa bulan sang Hunyo kag mataas nga pagpatuman sang taripa sang Estados Unidos.
Suno pa diri, wala pa gid sa karun nahibaluan kun ano ang mangin resulta sang paghinon-anon sang US kag China nga amo ang duha ka dako nga oil consumers sa kalibutan.
Gina-anunsyar sang oil firms ang official price adjustments kada Lunes nga epektibo pagkasunod nga adlaw.
Madumduman sang tinalikdan nga semana, may yara man sang pagnubo sang presyo sang produktong petrolyo nga P0.55 sa kada litro sang Gasolina, P0.65, sa Diesel kag P0.90 sa kada litro sang Kerosene.
