-- ADVERTISEMENT --
Lauman nga may yara sang pagnubo sa presyo sang produktong petrolyo sa masunod nga semana kasunod sa duha ka asod-asod nga big-time fuel price hikes sang tinalikdan.
Ginkumpirmar sang Department of Energy nga santo sa ila trading sa Mean of Platts Singapore, lauman nga maganubo sa P1.40 tubtob P1.60 ang kada litro sang Gasolina, P1.80 tubtob P2.00 ang kada litro sang Diesel, kag P2.00 tubtob P2.30 sa kada litro sang Kerosene.
Suno sa DOE, ang rollback ang bangod sa pagnubo sang oil price sa world market kasunod sa ceasefire sa tunga sang Israel kag Iran.
