Lauman nga may yara sang pagnubo sa presyo sang produktong petrolyo sa masunod nga semana.
Suno kay DOE Oil Industry Management Bureau Assistant Director Rodela Romero, lauman nga maganubo tubtob sa P0.25 ang presyo sa kada litro sang Gasolina, P1.25 sa kada litro sang Diesel kag P1.20 sa kada litro sang Kerosene.
Suno diri, ang rollback sa presyo ang bangod sa nagasaka nga produksyon sa mga pungsod nga kabahin sang Organization of the Petroleum Exporting Countries kag mga ally sini.
Ginpasakaan sang OPEC ang produksyon sa 547,000 barrels per day sa Setyembre sini nga tuig.
Samtang, nagapabilin nga indi mapaktan ang epekto sang pagdagdag sang taripa sang Estados Unidos sa local oil price.
Madumduman nga nag-impose si US President Donald Trump sang pagnubo sa tariff policy sang Pilipinas sa 19 percent.
Masami nga gina-anunsyar kada Lunes ang aktwal nga price adjustment nga ginapatuman pagkasunod nga adlaw.
Epektibo sa Martes, Agosto 12 ang pagbag-o sa presyo sang produktong petrolyo.
