Magabaton sang P10-million cash reward si Filipino gymnast Carlos Yulo gikan sa Business tycoon nga si Manuel Pangilinan sa pagpauli sini sang duha ka bulawan nga medalya.
Samtang, magabaton naman sang P5 million ang coaching team ni Yulo.
Magabaton man sang tag-P2 million reward nanday boxers Aira Villegas kag Nesthy Petecio sa pag-angkon sang bronze medals kag P2 million para sa ila nga coaches.
Naghatag man sang pasalig si Pangilinan nga padayon ang suporta sini sa mga Filipino athletes sa LA 2028.
Santo sa Republic Act 10699, ang mga medalists sang Pilipinas ang magabaton sang cash incentive depende sa ila nga ranking.
P10,000,000 para sa gold medal; P5,000,000 para sa silver medal; P2,000,000 para sa bronze medal.
Suno naman sa Philippine Amusement and Gaming Corporation (PAGCOR), santo sa ila mandato sila ang magahatag kay Yulo sang 20-million reward.
Samtang, P20 million naman ang naggikan kay President Ferdinand “Bongbong” Marcos Jr kag nag-extend man ini sang P2 million each para kay Villegas kag Petecio.
Ang House of Representatives naman naghatag sang P14-million incentive kay Yulo kag P2.5 million each kay Villegas kag Petecio.
Nalakip man sa reward nga ginhatag kay Yulo amo ang P32-million condominium unit sa Taguig City, P6-million house and lot sa Nasugbu, Batangas, sport utility vehicle (SUV), airline flyer miles for life, kag pila ka pa ka mga cash rewards.
