Gin-athag ni Ombudsman Jesus Crispin “Boying” Remulla nga nagapabilin nga solido ang kaso nga plunder ni former House Speaker Martin Romualdez angot sa gina-alegar P7.4 billion corruption.
Ginpahayag ni Remulla nga wala naghuyang ang kaso batok kay Romualdez apisar sang testimoniya naggikan sa Anti-Money Laundering Council (AMLC) sa ginpatigayon nga hearing sang nakaligad nga adlaw.
Ginalauman naman sang Office of the Ombudsman nga may ipresenta pa nga mga testigo kag ebidensiya para sa pagpabaskog sang kaso batok kay Romualdez.
Sa bail petition hearing sang suspended Leyte representative, ginpahayag sang tiglawas sang AMLC nga may kabug-usan nga P560 million nga nagsulod sa bank account ni Romualdez sang ini ang nagaserbe pa bilang House Speaker.
Apang, ginklaro sang AMLC nga wala sila sang ginauyatan nga ebidensya nga nagapamatuod nga ang kwarta nga nagsulod sa mga account ni Romualdez ang naggikan sa iligal n gaaktibidad ukon konektado sa mga flood control projects.
