Ginakabig sang Presidente sang Progressive Alliance of Capitol Employees (PACE) nga dako nga paghatag sang pagtamod sa mga nagapangabudlay sa gobyerno ang paghatag sang one-time inflation kag medical assistance benefits nga tubtob P50,000 sa mga empleyado sang Senado.
Madumduman nga gin-anunsyar ni Senate President Juan Miguel Zubiri nga magabaton ang mga Senate employees sang one-time inflation kag medical assistance benefits nga tubtob P50,000 sa Agosto kag P50,000 nga medical assistance sa bulan sang Setyembre nga pagakuhaon sa savings sang Senado.
Sa interview sang Bombo Radyo kay Renelo Lastierre, indi lamang ang mga government workers kundi tanan nga trabahante ang nagabatyag sang inflation.
Suno sa iya, obligasyon sang gobyerno bilang employer nga maghatag sang disente nga sweldo agud makaagom sang disente nga pagpangabuhi ang mga nagapangabudlay sa public sector.
Nagapasalamat ini nga nadeparahan sila sa public sector kag nagapakita lamang nga may yara sang genuine nga pagtamod sa kawsa sang mga tagpangabudlay sa gobyerno.
Ginakabig sini nga kadalag-an nga nadeparahan ang kahimtangan sang mga government workers kag ang epekto sang inflation kag pagsaka sang cost of living.
Suno kay Lastierre, apisar nga wala sang inflation assistance sa Provincial Capitol, ang ila pagkadto sa trabaho ang public service kag ang sweldo ang secondary lamang para sa mga ini.
