Ginpahayag sang Punong Barangay sang Barangay Mandalagan, Bacolod City nga ginapatutukan sini sa karun ang pagpatuman sang one way parking sa pila ka mga Purok sa Barangay agud nga madasig ang pagresponde sa tion sang emerhensya.
Sa interview sang Bombo Radyo Bacolod kay Punong Barangay Paul Anieve, may yara na sa karun sila sang ginpirmahan nga Memorandum of Understanding sa pila ka mga Puroks sa Barangay sa pagpatuman sang One Way parking agud nga madasig ang pagresponde ilabi na kun may emerhensya.
Interview clip of Punong Barangay Paul Anieve sang Barangay Mandalagan, Bacolod City
Suno kay Anieve, effective ang pagpatuman sang one way parking sa Purok Active bangud sa pagmato-mato sang mga residente bangud may nagluntad ang sunog sa nasambit nga Purok sang tinalikdan.
Ginpahayag man sini nga dapat nga magsunod ang mga pumuluyo sa One Way Parking kag kun indi man ini matuman mahimo magadihon ini sang ordinansa para sa pagpatuman sang nasambit nga tikang.
Nagapanawagan ang Punong Barangay nga ipatuman na ang one way samtang wala pa sang nagluntad nga emerhensya.
