Opisyal na nga ginbuksan ang Bacolaodiat Festival 2026 sa Bacolod City Government Center kahapon sang hapon, Pebrero 20.
Sa interview sang Bombo Radyo kay Councilor Jason Villarosa, Chairman, Committee on Tourism, nangin matawhay kag madinalag-on ang opening kahapon kun sa diin madamo sang maga tumalan-aw ang nag-enjoy.
Nagbisita man si former Senator Nikki Coseteng, nga amo ang guest of honor sang opening ceremonies, upod ang mga opisyal sang Bacolaodiat Inc., agud maghatag sang ila suporta kag paghili-usa para sa mas madalom nga kultura kag ekonomiya sang ciudad.
Suno kay Villarosa, tinutuyo sini nga selebrasyon ang pagpabaskog sang Filipino-Chinese Heritage kunsa diin suno diri, nagahatag sang kontribusyon sang Chinese community sa negosyo, edukasyon kag civic life sa ciudad bilang isa ka partnership nga magalawig pa sang pila ka henerasyon.
Suno diri, kada-tuig lauman nga mas mangin madinu-agon pa gid ang selebrasyon sang Bacalaodiat.
Gina-imbitar man sang Konsehal ang tanan nga mga pumuluyo nga mabisita kag mag-enjoy sa tatlo ka adlaw nga selebrasyon sang Bacalaodiat Festival 2026.
