Ginkumpirmar sang Bacolod City Water District (Baciwa) nga nagbalik na sa normal ang operasyon sang water district kasunod sang pagkadula sang suplay sang tubig sa pila ka lugar sang nagligad nga semana.
Sa interview sang Bombo Radyo Bacolod kay Engr. Jenelyn Gemora, Baciwa Assistant General Manager for Operations, ginpahayag sini nga nagbalik na ang suplay sang tubig sang Bacolod Bulk Water Inc. (BBWI) matapos sila magpatigayon sang emergency plan repair.
Suno pa kay Gemora, nakabayad naman ang Baciwa sang P49 million pesos sa BBWI para sa injection point number 1 sang nagligad nga Disyembre 20.
Ginpasiguro man sini nga wala sang water interruption nga matabo sa pagselebrar sang Paskwa kag Bag-ong Tuig.
Nagpangabay lamang si Gemora sa mga pumuluyo nga kun pwede mag-conserve sang tubig agud madamo pa sang mga konsumidor ang makagamit sini.
