Lima ka bulan humalin sang nagsaylo ang opisina sang Land Transportation Office Bacolod, matalunsay na ang transaksyon sa nasambit nga talatapan.
Ang LTO Bacolod ang nagsaylo sang Pebrero sa Purok Manayaw-sayaw, Barangay Mansilingan, ciudad sang Bacolod kun sa diin ginapanag-iyahan sang Kapitolyo ang duta nga ginatindugan sang building.
Isa lang sa mga concerns ang mahinay nga internet connection sa lugar apang indi ini macontrol.
Suno kay LTO Bacolod head Renato Novero, 99 porsyento sang transaction sa LTO Bacolod ang ila na nga ginapatigayon sa Mansilingan kag matalunsay naman ang transaction.
Suno kay Novero, madasig na ang pagproseso bangud nalatag na gid sang maayo ang transaction sa apat ka stations sang opisina kasunod sang configuration sang steps by steps sang trabaho.
Welcome naman para kay Novero ang plano sang LTO central office nga mag-employ sang ghost client agud matest ang efficiency sang trabaho sang nasambit nga ahensya ukon ang kalawigon sang transaction antes matapos.
