Natuman ang pangamuyo sang isa ka iloy para sa iya mga kabataan matapos ang isa ka komplikado apang madinalag-on nga operasyon nga ginpatigayon sa Saudi Arabia para sa Filipino conjoined twins nga sanday Olivia Faith kag Giana Faith Manuel.
Ang operasyon sa Manuel twins ang kasunod sang madinalag-on man nga surgery sa Filipino twins nga sanday Klea Ann kag Maurice Ann Misa sang tinalikdan nga Abril.
Si Olivia kag Giana ang ginpaidalom sa walo ka oras nga operasyon sa diin ginpangunahan sang 22 ka mga medical specialists sa King Abdullah Specialist Children’s Hospital sa Riyadh.
Ang operasyon ang natunga sa anum ka surgical phases.
Ang Manuel twins ang ikaapat na nga pares sang Filipino conjoined twins nga ginpaidalom sa nasambit nga operasyon sa amo nga pungsod.
Ini ang kabahin sa humanitarian kag medical assistance program sang Saudi Arabia para sa mga komplikado nga kaso naggikan sa nagkalain-lain nga pungsod.
Suno sa mga otoridad sa Riyadh, ini na ang ika-72 conjoined twin separation surgery nga ginpatigayon sang programa humalin sang gintukod sadtong 1990.
Sa karon, wala pa sang ginpagwa nga detalye natuhoy sa kondisyon sang kapid samtang ginahulat pa ang opisyal nga resulta sang operasyon ukon ang recovery process sang kapid.
