Operasyon sang personal care services sa Bacolod, ginapahanugutan na apang 50 porsyento lang sang seating capacity

Nagpagwa si Mayor Evelio “Bing “ Leonardia sang Executive Order No.43-A agud tugutan na nga makaoperate ang mga personal care services kaangay sang massage parlors, sauna, facial care kag waxing sa syudad sang Bacolod apang 50 poryento lamang sang seating capacity kag ini ang effective immediately.

Samtang wala naman sang nagdugang nga kaso sang nagpositibo sa coronavirus disease 2019 (COVID-19) sa Western Visayas santo sa DOH Region case bulletin number 85.

Sa karun may yara na lamang sa 44 ang active cases, ang 109 nakarecover, ini ang ginalakipan ni WV 113 kag WV 128 nga lunsay residente sang ciudad sang Bacolod kag ni WV125 nga nagikan sa Lezo, Aklan kag nagapabilin sa 11 ang nagtaliwan bangud sa balatian.