Nagpasiguro ang operator sang isa ka fast craft sa ciudad sang Bacolod nga may yara sang nagakaigo nga unit sang fast craft nga magbiyahe subong nga holiday season.
Suno kay Frank Carbon, may yara ang WEESAM sang tatlo ka barko, ang duha ang nagabiyahe samtang ang isa naman ang standby.
Suno kay Carbon, ang purpose sang nakastandby amo ang may sayluhan ang mga pasahero sa tion nga kinahanglanon.
Mahimo man magbiyahe ang fast craft nga nakastandby nga may yara na nga daan sang full-trained crews sa tion nga magdinamo nagid ang mga pasahero nga magbiyahe.
Apang antes pa man magbiyahe, kinahanglan nila nga magkuha sang provisional authority gikan sa Maritime Industry Authority.
Samtang, nagahatag man sang pahanugot ang Philippine Coast Guard sa mga barko nga magabiyahe bangud indi nila luyag nga may overloading sang mga pasahero.
Nahibaluan nga nagadoble ang numero sang mga pasahero nga nagabiyahe sa tion sang holiday season.
