Aminado ang mga operator sang traditional jeepney sadto nga dako nga pagpanghangkat ang pagpursige nga makaconsolidate sang kooperatiba kag maka-operate sang modernized jeepney.
Sa interview sang Bobmo Radyo kay Engr. John Jamora sang MBDJ Transport Group, may proseso nga ginasunod antes magrant sang LTFRB ang prangkisa.
Ini ang ginalakipan sang pagconsolidate sang mga operators sa isa ka ruta bilang isa ka kooperatiba nga may minimum nga 15 ka miyembro apang wala sang limit ang kadamuon sang miyembro.
Suno kay Jamora, duha na ka tuig ang pagcomply nila sang proseso.
Ang ikaduha amo ang pagpatigayon sang selection kun sa diin naplastar na ang requirements kag magaatubang sa panel sang LTFRB.
Suno kay Jamora, tedious ang nasambit nga proseso bangud nagtabok pa sila sa LTFRB Region 6 sa Iloilo.Aminado ini nga nanugon man sila sang una nga naggwa ang memorandum circular bangud bag-o pa ang ila nga mga units apang nagpanikasog sila nga magcomply bangud maabot ang tion nga ipatuman gid ang modernization.
Pagpanghangkat naman bangud may mga operator sa Alijis nga wala nagapati sadto nga dayunon sang gobyerno ang modernization program kag nagasuya sa ila apang nagpursige ang mga ini.
Nagpasalamat naman ini nga may mga operators nga nagpangisog nga dayunon ang proseso kag magsunod sa ginapatuman sang gobyerno.
Very challenging naman para sa ila bangud mahal ang modernized jeepney, apang nagpain man ang gobyerno sang subsidy nga P80,000 kada daan nga unit nga gamiton bilang down payment sa modernized jeepney.
