-- ADVERTISEMENT --
Nagtipon ang mga operators sang modernized jeep sa Bacolod City Government Center grounds matapos nga magpatigayon sang unity walk subong nga hapon, Agosto 5.
Ini ang kasunod sang pagpagwa sang mga senador sang resolusyon nga temporaryo nga isuspend ang pagpatuman sang Public Utility Vehicle Modernization Program (PUVMP).
Sa interview sang Bombo Radyo Bacolod kay Noli Jamora, incorporator sang MBMJ and UY, magapatigayon sila sang unity walk bangud dala man sang mga ini ang ila nga jeepney units.
Suno kay Jamora, agud nga indi man makatuga sang hassle sa mga estudyante kag publiko, naplanuhan nga 1:00 sila magapatigayon sang nasambit nga unity walk kag ginalantaw nga matapos mga alas 3:00 ang takna sa hapon.
Kutob naman sang mga pasahero nga malabyan sang jeepney units nga nagaupod sa unity walk ang pasakyon sang libre.
Mahinay naman ang mangin padalagan sang mga ini bangud wala ang mga ini nagabiyahe.
Ang mga ini ang magaumpisa depende kun sa diin ang routa sang mga modernized jeepney units kaangay lamang sang Bata-Libertad nga magahalin sa bangga Pepsi.
Suno diri, may yara man sila sang patigayunon nga programa matapos nga makatipon na ang tanan nga modernized sa Bacolod City Government Center Grounds bilang last sang mga ini.
Ini agud nga makita kag mapalab-ot sa mga senador nga indi suspension sang pagpatuman sang programa ang solusyon sa problema nga ginapangatubang sa implementasyon sang PUVMP.
