Temporaryo nga ginsuspender ang opisina sa Negros Occidental Provincial Capitol kasunod sang gina-alegar shooting threat.
Sa interview sang Bombo Radyo Bacolod kay Provincial Legal Officer Atty. Alberto Nillas Jr., pasado alas-12:00 kaina sang udto, nagsulod ang lalaki nga ginkilala nga si John Keng Seng alyas John Sy.
Siya ang magasulod kuntani sa opisina ni Provincial Administration Atty Rayfrando Diaz.
Sa lobby, nagpahayag ini nga siya ang magakuha sang iya dokumento tuhoy sa quarry operation, apang ini ang wala sang mapakita nga letter request, gani siya ang wala ginpasulod.
Didto na nagpangakig ang lalaki kag nagpamahog sa mga empleyado nga sila ang paniruhon.
Pahayag sang security personnel nga naggwa man lang gilayon ang lalaki matapos magbuya sang pagpamahog.
Apang gilayon nila nga ginsuspender ang opisina sa kapitolyo para sa kaluwasan sang mga empleyado.
Sa karun, padayun ang imbestigasyon, kag ini ang nagakoordinar man sa security kag staff sang Provincial Administrative Office nga amo ang nakabati sang pagpamahog.
