Tubtob lamang sa alas-12:00 sang udto ang trabaho sa mga opisina sang gobyerno sa Huwebes, Oktubre 31 agud mahatagan ang mga empleyado sang nagakaigo nga tiyempo agud magpreparar para sa All Saints’ Day suno sa Malacanang.
Ang suspension sang klase sa pribado nga mga eskwelahan kag pribado nga mga kumpaniya ang ginabilin naman sa discretion sang ila tagsa-tagsa ka mga heads ukon employers suno kay Executive Secretary Lucas P. Bersamin sa memorandum circular no. 67 nga gin-issue sang Oktubre 22.
Apang gin-athag sang Malacanang nga ang mga ahensya nga ang functions ang ginalakipan sang delivery sang basic kag health services kasubong man disaster response ang magapadayon sang ila mga operasyon.
Una na nga gindeklarar ni President Ferdinand Marcos Jr. ang Nobyembre 1 kag Nobyembre 2 bilang special non-working holidays agud pahanugutan ang mga Filipino nga magcommemorate sang Christian festival sang All Saints’ Day kag All Souls’ Day.
