Igapaidalum sa temporray lockdown ang mga opisina sang Silay City Government sumugod subong nga adlaw tubtob sa Enero 23.
Santo sa Executive Order No. 2022-01-01 nga gin-issue ni Silay City Mayor Mark Andrew Arthur Golez ang temporary lockdown ang para sa decontamination sang mga talatapan sang lokal nga gobyerno.
Nahibaluan nga sang ginpagwa ang mando kahapon sang hapon, madamo naman sang mga Silaynon ang nagpanic sa pagpinsar nga bilog nga siyudad sang Silay ang ipaidalum sa temporary lockdown.
Apang ang coverage sang EO ang para lang sa tanan nga mga departamento, division, opisina kag units sang Silay City Government santo sa pagsunod sa Inter-Agency Task Force (IATF) Memorandum Circular No. 2 series of 2020 agud nga maprebentar ang paglapta sang COVID-19.
Ginpasalig naman sang syudad nga ang mga vital departments kaangay sang City Health Office kag City Disaster Risk Reduction and Management Office ang magapatigayon sang skeletal workforce arrangement agud nga indi mahamper ang paghatag sang nagapanguna nga panginahanglanon sang mga Silaynon.
Ang mga empleyado ang magapadayun naman sa trabaho pinaagi sa work from home kag magapabilin sa home quarantinehumalin Enero 19 tubtob sa Enero 23.
