Magapatigayon sang Oplan Baklas ang Commission on Election kadungan sa pagsugod sang campaign period sa Pebrero 11.
Sa interview sang Bombo Radyo Bacolod kay Bacolod City Election Officer Atty Revo Sorbito, karun nga wala pa ang campaign period, sila ang indi pa makapatuman sang pagpangbaklas sang mga posters sang aspirants nga napangtapik sa pila ka bahin sang ciudad.
Apang pahanumdom sini nga pagdangat sang campaign period, tanan nga posters nga wala sa designated area ang paluson kag kabigon nga basura.
May-ara lamang sang 111 ka designated area sa Bacolod City nga natunga sa kada Barangay.
May-ara naman sang standard nga maximum 2×3 feet para sa size sang poster.
Paathag sang Election Officer nga kun may Barangay officials nga matumod nga amo ang nagapangtapik sang posters sang kandidato nga wala sa nagakaigo nga lugar, sila ang mahimo mapasakaan sang kaso.
Suno kay Sorbito, ang nakakita kag may ebidensya ang dapat nga magfile sang complaint, bangod ang Comelec ang wala man nakakita sang matuod nga natabo.
