Nagsugod na kaina sang aga ang OPLAN BAKLAS sang Commission on Elections sa Bacolod agud makakas ang mga campaign materials nga wala sa ila designated area.
Ginpangunahan sang mga tiglawas sang poll body ang pagpangkuha sang mga posters sang mga kandidato nga nagapadalagan sa 2022 Elections kutob sang mga nagabayolar sang pagsulundan ilabi na sa dalan Lacson.
Nahibaluan nga may mga designated areas nga dapat sundon ang mga nagakampanya para sa pagbutang sang mga campaign materials sang mga nagapapili.
Sa pagtsekyar sang COMELEC sa Brgy. Bata nga ginakabig starting point sa Oplan Baklas, madamo na ang nakita nga nagbayolar.
May yara sang mga posters nga natapik sa puno sang kahoy, poste sang kuryente kag street lights kag iban pa nga indi pwede tapikan.
Ang mga nakuha nga mga posters ang ginapanag-iyahan sang ilisipon nga mga national kag local candidates.
Nagpanugyan naman ang COMELEC BACOLOD sa pagpanguna ni acting City Election Officer Atty. Revo Sorbito nsa mga tawo nga ginatugyanan sa pagtapik sang mga posters nga may mga designation areas para diri agud malikawan ang bayolasyon.
