Nagalaom ang Department of Public Works and Highways (DPWH) nga dako ang bulig sang Oplan Kontra Baha.
Nahibaluan nga may yara sang patigayunon nga massive cleaning kag clearing operation subong nga adlaw sa bilog nga ciudad sang Bacolod.
Una na nga ginpahayag ni Bacolod City Lone District Congressman Alfredo Benitez, kapin 3,000 ka river warriors ang ideploy para sa cleaning kag clearing operations.
May yara sang 558 ka personnel nga amo ang maga-man sa 200 ka equipment nga gamiton.
Ang ini nga operasyon ang pagapangunahan sang Department of Public Works and Highways (DPWH), opisina ni Congressman Benitez kag Local Government Unit sang ciudad sang Bacolod.
Suno kay DPWH Undersecretary Charles Calima, nagdihon ang mga ini sang arrangements sa mga construction firms agud magrenta sang equipments nga wala pa ginagamit sa construction agud gamiton para sa massive cleaning and clearing sang waterways sa Bacolod City.
Apang aminado man si Calima nga ang nasambit nga trabaho ang indi masarangan sang DPWH lamang bangud kinahanglan ang kooperasyon sang Barangay officials kasubong man sa mga pumuluyo.
Ginpahayag nga isa sa mga nakita nga solution agud nga indi magbara ang mga waterways bangud sa mga basura ang pagbutang sang waste trap kaangay sa mga ginahimo sa karun sa Cebu nga sang tinalikdan ang ginbahaan man.
Suno kay Calima ginsiguro nga ang mga magaupod nga mga TUPAD beneficiaries ang mga lalaki nga magatrabaho sa pagpaninlo sa mga suba, sapa kag drainages.
Suno sa DPWH Usec matapos ang massive cleaning kag clearing dapat ang tagsa ka mga barangay ang maghimo man sang tikang nga mapabilin ang katinlo sang waterways sa ila nga mga barangay.
Nagalaom man ini nga dako ang mabulig sang OPLAN KONTRA BAHA sa ciudad sang Bacolod.
