OPM singer kag songwriter Moira Dela Torre, ginrelease na ang bag-o nga album nga “I’m Okay”

Nagbalik na sa music scene ang OPM singer-songwriter nga si Moira Dela Torre.

Ini matapos nga mag-release ini sang iya bag-o nga album nga “I’m Okay”.

Sa iya listening party, ginpakigbahin sang singer nga masobra duha ka tuig antes niya natapos ang nasambit nga album kag ginakabig niya ini bilang iya ‘moving forward’ project.

Ginpahayag ni Moira nga sa proseso sang pag-ubra niya sang mga kanta para sa album, nakahimo sia sang 60 tanan ka tracks apang 12 lamang ang nalakip sa “I’m Okay”.

Si Moira ang kilala sa iya mga bantog nga kanta lakip na ang “Titibo- tibo,” “Babalik Sa’yo,” kag “Paubaya.”