Ginaduso sang Sangguniang Panlungsod sang ciudad sang Bacolod nga maaprubahan ang ordinansa nga paghatag sang subsidy sa mga nakagradwar nga may latin honors para sa ila nga board exam.
Suno kay Bacolod City Councilor Jason Villarosa, ang summa cum laude makabaton sang 100 percent subsidy sa balayran para sa board exam, samtang ang magna cum laude naman ang makabaton sang 50 percent subsidy kag ang cum laude makabaton sang 25 percent subsidy.
Suno diri, ang requirements para maka-avail amo ang diploma ukon certificate nga makapamatood nga nakagradwar ang beneficiary nga may latin honors kag dapat registered voters ini ukon ang iya ginikanan.
Samtang, bisan ang mga may birthplace nga luwas sa ciudad apang nagdako sa Bacolod, mahimo nga makabaton man sang subsidy.
Apang gin-athag ni Villarosa nga ang subsidy para lang sa pagkuha sang exam kag wala na nadala diri ang para sa review.
