Nagpropose si Bacolod City Councilor Atty Caesar Distrito sang ordinansa nga naga-require sa Baciwa-PrimeWater nga mag-install sang backup generators sa tanan nga pumping stations.
Sa interview sang Bombo Radyo Bacolod kay Distrito, ang ginpropose nga ordinansa ang agud masiguro nga ang water supply sa tion sang brownouts agud nga masolusyunan ang reklamo sang publiko angot sa wala sang supply sang tubig.
Suno kay Distrito ang “Permanent Power Generators” ang nagamando sang installation sa sulod sang 60 ka adlaw kag full operation sa sulod sang anum ka bulan.
Suno diri sa tion nga indi ini matuman may yara sang penalidad nga P5,000 kada adlaw.
Suno kay Distrito nakapoy na ang mga pumuluyo sa sitwasyon nga kun magbrown-out gani wala man sang supply sang tubig.
Dugang pa sini nga tuman ka importante ang tubig gani ginalauman sini sa bag-o nga tag-iya sang PrimeWater nga mangin maayo na ang ginahatag nga serbisyo sa mga pumuluyo.
