Nagsumiter sang ordinansa ang chairperson sang Committee on Information and Communication sang Sangguniang Panlungsod sang Bacolod, nga pagconsolidate sang tanan nga social media accounts sa kada departamento sang ciudad.
Sa intervew sang Bombo Radyo kay Councillor Jason Villarosa, ang facebook account sang ciudad sang Bacolod ang pagapanag-iyahan na mismo sang ciudad bisan pa nga may pagbag-o sa city administration.
Suno diri, santo man sa naekesperyensya sang ciudad kun sa diin ang nakaligad nga administrasyon may yara sang ila nga social media account, sa pagsulod naman sang bag-o nga administrasyon, liwat naman nga naghimo sang bag-o nga account ang ciudad.
Suno kay Villarosa, mas maayo nga maconsolidate na lang ang social media account sang ciudad agud nga maturn-over na lang ini sa next administration kag indi na magtalang pa ang mga pumuluyo kun diin ang matuod nga account sang ciudad.
Ini man agud malikawan ang pagpanghack kag pagpang-scam sa online platform, kag mangin mahapos ang pagpalapta sang lehitimo nga impormasyon sang ciudad.
