Gin-athag sang organizer sang MassKara Festival nga indi pa pormal nga launching sang official logo kag theme song sang festival ang ginpatigayon kagab-i kun sa diin wala sang mainstream media nga gin-imbitar.
Sa interview sang Bombo Radyo sa public relations officer sang Bacolod Yuhum Foundation nga si Mate Espina, ang programa kagab-i ang nakaschedule sang adlaw sang Domingo bilang courtesy sa mga miyembro sang Sangguniang Panlungsod.
Suno kay Espina, ang mandato sang Bacolod Yuhum Foundation ang kasunod sang approval sang City Council.
Bilang kabahin sang courtesy, ginapresentar una sa mga konsehal ang logo, theme song kag activities sang festival agud nga may comments, sarang ini maligwat sang organizers antes ipresentar sa media nga amo naman ang magapalab-ot sa publiko.
Kagab-i, may yara sang comments nga kinahanglan irevise karon gani magapatigayon sila sang meeting agud nga mafinalize ini antes ang presentation sa media sa Sabado.
Ang revisions ang ginalakipan sang title sang mga activities kag line up kada adlaw, lakip ang presentation sang sites sang mga booth nga igabaligya nga kinahanglan aprubahan sang City Council antes ipresentar sa publiko.
Suno kay Espina, bisan siya ang wala nag-anunsyar sang programa sa Sabado tubtub nga matapos ang revisions bangud mahimo nga dalagko ang kinahanglan irevise kag indi pa mahingagaw sa Sabado.
Apang sa karon, handa na ang mga ini para sa Sabado, kag igafinalize nalang ang tanan-tanan base sa mga comments kagab-i.
