Ginkasal na ang Original Pinoy Music (OPM) musicians nga sanday Daryl Ong kag Dea Formilleza.
Ang duha ang nagpakasal sa The Emerald Events Place sa Antipolo City sang Sabado.
Kalakip sa mga nag-attend sa seremonya ang ila nga mga abyan kag kaangay nga mga singers nga sanday Liezel Garcia kag Michael Pangilinan, nga amo ang nagkanta sa bridal march ni Formilleza.
Parehas naman nga ginpakigbahin nanday Ong kag Formilleza sa Instagram ang mga litrato nga kuha sang ila mga guests gikan sa event.
Nahibaluan nga sang tinalikdan nga Hulyo, ginsurpresa ni Ong si Formilleza kun sa diin nagpropose ang singer pinaagi sa livestream makaligad ang lima ka tuig na nila nga relasyon.
Ang duha ka singer ang nahibaluan nga nangin mag-abyan humalin palang sang 2011.
Si Daryl Ong ang nakilala sa second season sang “The Voice Philippines” sang 2014 samtang si Dea Formilleza naman ang kabahin sa “Idol Philippines” sang 2019.
