Outgoing Councilor Vladimir Gonzales sabton ang mga isyu nga ginahaboy sa iya sa nagakaigo nga venue

Ginpahayag ni outgoing Bacolod City Councilor Vladimir Gonzales nga sabton sini sa nagaka-igo nga lugar kag tion ang ginhaboy sa iya nga mga isyu.

May yara sang mga isyu batok kay Gonzales angot sa tubig kag home lot ordinance sini apang suno sa outgoing councilor may yara siya sang mga ebidensya nga makapamatuod nga sala ang mga alegasyon batok sa iya.

Suno pa diri, may yara na sang tatlo ka pending case batok kay incoming Councilor Wilson Gamboa.

Ini ang civil case, cyber libel kag perjury case bangod indi man makit-an ang mga ebidensya nga ginpasa sa Office of the Ombudsman.

Pahayag sini sabton sini tanan nga alegasyon sa iya sa insakto nga venue kag nagpasalig nga may yara siya sang gina-uyatan nga nagaka-igo nga ebidensya.