Ginhighlight sang alkalde sang syudad sang Bacolod ang mga efforts sang mga opisyales sang syudad agud nga mapakigbatuan ang COVID-19.
Sa mensahe ni Bacolod City Mayor Evelio “Bing” Leonardia, ginkilala sini ang tanan nga nagbulig agud nga mapahagan-hagan ang kaso sang COVID-19 sang COVID-19 sa syudad sang Bacolod.
Ginpasalamatan man sang alkalde ang tanan nga mga pumuluyo nga nagkooperar kag nagtuman sang tanan nga mga pagsulundan nga ginhimo sang syudad agud nga mapakigbatuan kag mapanubo ang kaso sang COVID-19.
Isa na diri ang pagkooperar sa pagpabakuna batok sa COVID-19 kun sa diin nangin valedictorian sa bilog nga rehiyon 6 sa may pinakamadamo nga nabakunahan kag temprano pa naglunsyar kag nagpatuman sang vaccination drive.
Ginpahayag man sini nga sang nagpadulong sa DOH Region 6 si Bacolod City Councilor Em Ang, ginkilala ang syudad sang Bacolod nga may most prepared vaccination plan sa bilog nga region.
Suno pa sa alkalde nga may pipila pa ka indibidwal ang apektado sang COVID-19 apang sa amat-amat magabalik na sa normal ang sitwasyon sang syudad.
Nalatag naman ang plano sang syudad nga magbalik sa face to face classes.
Ginpahayag man sang alkalde sa speech sini nga nagaumpisa pa lang ang syudad sa pagbalik sa normal nga sitwasyon kag nagapangabay ini nga mapadayon sang mga pumuluyo sa city of smile ang kahilwayan nga naangkon nagikan sa pandemya kag padayon man nga magsunod sa pagsunod sa pagsulundan sang national government.
Ginkalipay man sang alkalde nga ang syudad sang Bacolod ang nalakip sa nauna nga mga LGU sa bilog nga pungsod nga ipaidalom sa Alert Level 1.
