Patay ang outgoing Sangguniang Kabataan Kagawad sa Barangay Bato, Hinigaran, Negros Occidental matapos nga makuryente samtang nagakay-o sang linya sang kuryente sa ila Barangay Health Center.
Ang biktima ang ginkilala nga si Mark Perolino, 25 anyos kag residente sa Sitio Linao, Barangay Bato, Hinigaran.
Sa interview sang Bombo Radyo Bacolod kay Police Executive Master Sgt. Loreto Perono, deputy chief sa Hinigaran Municipal Police Station, ang outgoing SK Kagawad ang mahimo may nakibaluan sa kuryente gani siya ang nagsaka sa atop sang Barangay Health Center agud kay-uhon ang na-utod nga linya.
Bangod sa pagkakuryente, nahulog ang biktima gikan sa atop.
Siya ang ginhingagaw pa dala sang Hinigaran Rescue Team sa Hinigaran Medical Clinic para kuntani mabulong apang ini ang gindeklarar na nga dead on arrival.
