Kalabanan nangin drawing ukon indi matigayon ang plano nga mag-outing sang mag-abyan bangud sa mga nagkalain-lain nga rasun.
Apang ang isa ka grupo sang mag-abyan sa Puerto Princesa, Palawan, natigayon ang hinali nga plano nga magpabugnaw sa suba apang ang suba naman ang nangin drawing.
Bangud sa mainit nga panahon, ginpahayag sang grupo nga nagplano sila nga magpaligo sa Irawan River.
Isa sa ila nga abyan ang naghambal nga nakaligo na siya sa suba sang nagligad nga bulan kag madamo man sang ila kilala ang naghambal nga may tubig ang suba.
Apisar sa mainit nga panahon, gin-agwanta sang mga ini nga maglakat tubtob 15 minutos padulong sa suba kag sang palapit na sila sa suba, may naghambal nga wala ini sang tubig.
Apang, to see is to believe ang nangin motto sang mga ini gani padayon sila sa ila paglakat.
Kag sang pag-abot na nila sa suba, wala sila sang nakita nga tubig kundi mga bato.
Sa pihak sini, ginpili nalang sang mag-abyan nga magpahuway kag mag pic-nic sa lugar
