Ginmanduan sang Senate impeachment court si Atty Zuleika Lopez, chief-of-staff sang Office of the Vice President (OVP), nga mag-atubang bilang testigo sa impeachment trial ni Vice President Sara Duterte.
Suno kay impeachment court spokesperson Regie Tongol, nagpagwa ang korte sang subpoena ad testificandum agud obligahun si Lopez nga maghatag sang “material testimony” angot sa impeachment case sa Hulyo 13 kag 14.
Nabaton sang OVP Central Records Unit ang nasambit nga subpoena, samtang nag-abot man si Lopez sa Senado para sa isa ka coordination meeting kaupod si Senate Secretary kag Clerk of Court Renato Bantug Jr.
Suno kay Bantug, gintalakay lamang ang mga natuhoy sa administratibo, kaangay sang numero sang pulungkuan para sa mga bisita sang defense team kag mga security protocol kun liwat magakadto sa Senado si Vice President Duterte.
Lauman nga maga-testigo si Lopez sa Article 4 sang Articles of Impeachment.
