Indi na pag-ipresentar sang House Prosecution panel si Atty. Zuleika Lopez.
Matapos ang lima ka adlaw sang impeachment trial ni Vice President Sara Duterte, nagdesisyon ang House Prosecution panel nga indi nalang pag-ipresentar si Atty. Zuleika Lopez nga kuntani masunod nga testigo sang nasambit nga panel.
Sa mensahe ni private prosecutor, Atty. Lorna Kapunan, ginpahayag sini nga indi kinahanglan nga ipresentar pa si Lopez bangud indi na kinahanglan ang iya nga testimony bangud mismo ang abugado sang Defense nga si Atty. Mark Vinluan ang nag-admit sa mga bagay nga dapat kuntani ipamangkot kag ipakumpirmar kay Atty. Lopez.
Pila naman ka beses nga gin-ako mismo ni Defense lawyer Atty. Vinluan ang mga nasambit nga impormasyon gani nagdesisyon ang panel nga indi na pagpresentar ang Chief of Staff sang OVP nga si Atty. Lopez.
Magluwas kay Atty. Lopez, indi naman pag-ipresentar sang panel si Capt. Belinda Bello.
Bangud sini, ginpahayag ni Kapunan nga mabuhinan ang pila ka adlaw ang trial bangud sa duha ka witness ang indi pag-ipresentar.
