Nagdangat na sa P1.7 billion ang balor sang kahalitan nga narekord sa sektor sang agrikultura kag imprastruktura tuga sang asod asod nga bagyo nga nagwaswas sa pungsod subong nga Setyembre.
Base sa datos sang National Disaster Risk Reduction and Management Council (NDRRMC) kahapon, Setyembre 27, masobra P914 million ang balor na sang kahalitan sa agrikultura samtang yara sa masobra P822 million naman sa imprastruktura bangud sa bagyong Opong, Nando kag Marisol kasubong man sa epekto sang hanging habagat.
Pinakadako nga kahalitan sa agrikultura ang sa Cagayan Valley ukon Region 2 nga yara sa P807 million, nagasunod diri sa Western Visayas nga may yara sang P43 million kag sa Mimaropa yara sa tunga sa million.
Ginpaidalom naman ang bug-os nga probinsya sang Cagayan sa state of calamity ang Pagudpud sa Ilocos Norte, Ibajay sa Aklan kag Pagalungan sa Maguindanao del Sur.
