P100 million nga cash assistance para sa kapin 17,000 nga tobacco farmers, ipanagtag na subong nga Disyembre

Natalana nga ipanagtag subong nga bulan ang P100 million worth of cash assistance gikan sa National Tobacco Administration (NTA) para sa kapin sa 17,000 tobacco farmers.

Suno sa NTA, 16,666 ang kwalipikado nga makabaton sang P6,000 production grant sa Disyembre 15 para sa 2024-2025 cropping year.

Suno kay Agriculture Undersecretary Deogracias Victor Savellano, nga amo ang nagaserbe nga oversight official sang NTA, ang cash assistance ang igahatag agud mapasanyog ang produksyon sang kalidad nga tobacco sa Pilipinas.

Ang tobacco industry ang isa sa nagabulig sa ekonomiya sang pungsod nga nagacontribute sang one percent sang gross domestic product kag six percent sang overall annual tax revenue collections.