P100 na ang kada stem sang rose antes ang Valentine’s Day

Kaangay sang iban nga mga balaklon sa tion nga may nagahilapit nga okasyon, nagmahal na ang presyo sang bulak, kulang-kulang isa ka semana antes ang Valentines Day.

Suno sa isa ka flower vendor sa likod sang BAYS Center, ang isa ka stem sang rose ang nagabili sang P100.

Sang tinalikdan nga mga inadlaw, ang tatlo ka stem sang rose ang nagabili sang P100.

Ang bouquet sang bulak nga may dose ka rosas ang nagabili sang P1,500 samtang ang isa ka sunflower ang mabakal sang P500 kada isa.

Apang ginpahayag man sang nagabaligya nga mahimo man maadjust ang presyo sang bouquet depende sa budget sang mabakal.