Natigayon na nga mapanghatag ang P10,500 nga training allowance sa mga atleta kag mga coaches sa ginpatigayon nga Send-Off Ceremony para sa Negros Island Region Athletic Association Meet (NIRAAM) 2026 kahapon sang hapon, Pebrero 25.
Suno kay Bacolod City Mayor Greg Gasataya, ang dugang nga P2,000 ang ihatag sa pagbukas na sang NIRAAM 2026.
Dugang pa, may ara man sang sapatos kag tatlo ka mga uniform ang ginpnghatag sa tagsa ka mga atleta nga pagagamiton nila para sa nagkalain-lain nga sports event.
Nagalaum ang Alkalde nga makapauli sang madamo nga medalya ang mga atleta kag makuha ang kapeonato sang ciudad bangud ini ang una nga kahigayunan nga maga-host ang Bacolod City para sa NIRAAM 2026.
Nahibaluan nga may P9.4 million nga gin-alokar ang ciudad para sa cash allowance sang 626 ka mga student athletes kag 276 ka training staff kag coaches nga magapartisipar sa nasambit nga kompetisyon.
