Ginbuyagyag sang labing-una nga hostile witness sang prosekusyon nga si Gina Acosta, former special disbursing officer sang Office of the Vice President (OVP) nga wala sang target accomplishments ang OVP para sa P125 million confidential fund nga nabaton sang December 21, 2022.
Suno kay Acosta, ang Physical and Financial Plan amo isa ka plano lamang kag indi accomplishment report.
Suno diri, generic items ang nakabutang sa nasambit nga plano, samtang ang accomplishment report ang nagakinahanglan sang actual output.
Sa iya nga testimoniya, ginpahayag ni Acosta nga nag-release siya sang kabug-usan nga P500 million confidential funds sang 2022 kag 2023 kay Colonel Raymund Lachica, base sa mando ni Duterte.
Suno diri, ang kwarta ang gintalana man para sa services ni Lachica, nga isa ka expert sa security matters.
Si Lachica ang nangin commanding officer sang Vice Presidential Security and Protection Group kag Security Officer sang OVP sang 2022 kag 2023.
