Patay ang isa ka 26-anyos nga lalaki matapos gina-alegar nagbato sa kapulisan sa ginpatigayon nga buybust operation kun sa diin duha ka kilo sang shabu nga nasulod sa putos sang tsaa nga nagabalor P13.6 million ang narecover sa banwa ang Sibulan, Negros Oriental kaina sang kaagahon.
Ginpatigayon ang buybust operation sang Philippine Drugs Enforcement Unit (PDEU) sa Purok 1, Diversion Road, Barangay Magata, Sibulan, Negros Oriental.
Ang suspetsado ang ginkilala kay Joemarie Yongco alyas Joe, 26 anyos kag residente sa Phase 4, Lot 9, Block 18, Barangay Rizal, San Carlos City, Negros Occidental.
Nakasakay sa motorsiklo ang suspetsado kag gintransaksyon ini sang kapulisan sang 25 gramos sang suspected shabu.
Naghana pa kuntani nga mag-gabot sang armas ang biktima sang namutikan sini ang mga pulis apang gilayon nga nakabato ang mga otoridad kag gintiro si Yongco nga gintunaan sang iya kamatayon.
Ginbuksan naman ang backback sang suspetsado kag nakuha ang duha ka putos sang green tea kag nadiskubrehan sa sulod ang duha ka dalagko nga pinutos sang suspected shabu nga nagabug-at sang duha ka kilo kag nagabalor P13.6 million.
