Ginpahayag sang isa ka mamalidha nga ang P13 billion nga halin sa P60 billion nga pondo nga ginbalik sa Philippine Health Insurance Corp. (PhilHealth) sang 2024 ang gingamit bilang counterpart financing para sa mga Foreign-Assisted Projects (FAPs).
Sa una nga adlaw sang deliberasyon sang bicameral conference committee, ginpatpat ni Bataan Rep. Albert Garcia ang breakdown kun sa diin nagkadto ang mga pondo.
Suno kay Garcia, ang pinakadako nga bahin sang kwarta nga P27.45 billlion ang gingamit sa pagbayad sang mga benepisyo kag allowance para sa mga healthcare kag non-healthcare workers sa tion sang COVID-19 pandemic.
Gingamit naman ang P10 billion para sa kontrobersyal nga medical assistance program sang Department of Health (DOH) para sa mga indigent nga pasyente.
Apang ginbatikos ni Sen. Imee Marcos ang P13 billion nga ginreserba para sa FAPs kag kun ngaa ang pondo nga para sa healthcare ang gingamit sa mga proyekto nga wala sang kaangtanan sa healthcare sang mga Pilipino.
Ginhingyo ni Sen. Imee ang isa ka detalyado nga report halin sa PhilHealth kag ang pagpadasig sang pagpatuman sang mga benepisyo kaangay sang zero-balance billing kag coverage para sa mga malala nga balatian.
Bilang sabat, ginpahayag ni Garcia nga mangayo sila sa PhilHealth sang mas detalyado nga breakdown kag siguruhon nga nagasunod ini sa desisyon sang Korte Suprema nahanungod sa mga pondo.
Ang nahabilin nga bahin sang P60 billion ang ginreserba para sa pagbakal sang mga medical equipment kag iban pa nga mga proyekto sang DOH.
