P136,000 nga balor sang illegal nga druga ang nakumpiskar sa drug buybust operation nga ginpatigayon sang Victorias City Police Station sa Barangay 5, Victorias City sang Agosto 6, alas 12:55 sang kaagahon.
Sa impormasyon nga nakuha sang Bombo Radyo, ginkilala ang mga suspetsado nga sanday George Trecho, 42-anyos, residente sang Barangay 13, Victorias City kag Michael Sombero, 36-anyos, residente sang Barangay 6 sa nasambit nga ciudad.
Nakuha sa paghinakop ni Trecho ang siyam tanan ka mga heat sealed transparent plastic sachet sang suspected shabu, isa ka improvised tooter, duha ka improvised plastic container, P1,000 bill, P77 nga cash kag isa ka unit sang motorsiklo.
Samtang nakumpiskar naman kay Sombero ang lima ka heat sealed transparent plastic sachet sang suspected shabu, mga drug paraphernalia, isa ka coin pouch kag P64 nga cash.
Ginabanta 20 ka gramos ang kabug-aton sang illegal nga druga ang nakuha sa ila kag ini ang nagabalor sang P136,000.
Sa karun yara na si Trecho kag Sombero sa kustodiya sang Victorias City Police Station.
