P15 million, ginbalik ni DPWH Contractor Sally Santos bilang kabahin sang restitution

Ginbalik sang kontractor sa Department of Public Works and Highways nga si Sally Santos ang P15 million sa gobyerno bilang kabahin sang iya restitution angot sa maanomalya nga mga flood control project.

Pahayag ni Justice spokesperson Polo Martinez, nga ini santo sa mga termino sang memorandum of agreement ni Santos.

Dugang pa niya nga may dugang pa nga detalye nga iya ipabutyag sa masunod nga tion.

Nahibaluan nga si Santos amo ang tag-iya kag manager sang SYMS Construction Trading.

Samtang, gin-ako ni Santos nga nakahatag siya sang masobra P245 million nga cash sa isa ka opisina sang DPWH sa sulod sang isa ka adlaw.

Suno diri, posible nga nagadangat na sa P1 billion ang iya nahatag sa DPWH office halin sang 2022 tubtob sa karun.