Ginpermahan na ni Bacolod City Vice Mayor El Cid Familiaran nga acting Mayor sa karun, ang P18 million nga subsidy para sa mga solo parent sa ciudad.
Suno sa bise alkalde, P12,000 ang mabaton sang solo parent kada tuig kun sa diin P1,000 ang ipanagtag sa ila kada bulan.
Suno diri may yara sang requirements para makakuha sang solo parent ID kun sa diin dapat ivalidate sang Department of Social Services and Development (DSSD) kun bala ang solo parent ang indigent, may income nga indi maglapaw sa P13, 972 kada bulan, kun nagtaliwan na ang partner kag kun may balatian ang partner nga indi kasarang magtrabaho.
May yara man sang discount para sa solo parent sa mga selected goods.
Dapat man nga irenew ang solo parent ID kada tuig agud matsekyar ang status sang ila income kag kun bala solo sila sa gihapon sa pagpadako sang ila minor nga bata.
Kabug-usan nga 1,311 ang solo parent sa ciudad apang indi tanan sa ila ang maka-avail bangod prayoridad sang ciuidad ang solo parent nga may magamay ukon wala gid sang source of income.
