Nagdangat sa 500 ka sako sang bugas ang nabaligya sang tag P20 kada kilo sang Local Government Unit sang Bacolod City.
Sa interview sang Bombo Radyo Bacolod kay Brenda Bordeus, Project Development Officer 4, sang Bacolod City Cooperative & Livelihood Development Office, nagdagdag sila sa una nga adlaw sang 220 sacks sang bugas sa Burgos Public Market samtang tag 50 ka sako sa Central kag Libertad Public Market.
Ang pagbaligya sang P20 kada kilo sang bugas sang nagaumpisa alas 8:00 ang takna sa aga apang alas 10:00 pa lang ang takna sa aga naubos na bakal ang gindagdag nga supply sang bugas.
Samtang sa ikaduha nga adlaw tag 100 ka sako sa tatlo ka merkado kun sa diin nag-ubos naman ka baligya.
Suno kay Bordeus subong nga adlaw wala sang pagbaligya sang P20 kada kilo sang bugas apang magabalik sila sa pagbaligya sa Lunes sa tatlo ka merkado antes magpadulong sa mga Barangay.
Suno diri magabaligya man sila sa Barangay agud nga ang mga beneficiaries sang programa ang indi na magpadulong sa merkado agud makabakal sang P20 kada kilo sang bugas.
Kalabanan sang nagabakal sang bugas ang PWD, senior citizen, nagabusong, indigent kag solo parents.
Indi man kinahanglan magpadulong sa government center para magbayad sang bugas bangud ara na sa merkado ang cashier nga nagakolekta sang bayad.
Ginkalipay man sini ang pagpatuman sang programa kun sa diin makabakal sang barato nga bugas ang mga pumuluyo.
Ginpasalig man sini nga bag-ong galing ang bugas kag preska nga nagikan sa mga mangunguma sa Bago City, Valladolid, San Enrique kag sa iban pa nga Local Government Unit nga nagaprodukto sang humay.
Gin-athag man ni Bordeus nga wala nagdugay sa warehouse sang NFA ang bugas nga ginabligya sang P20 kada kilo.
