Nagmando si President Ferdinand “Bongbong” Marcos Jr. sa Department of Agriculture nga i-extend ang P20 per kilo rice program tubtob sa katapusan sang iya termino sa 2028 suno kay Agriculture Secretary Francisco Tiu Laurel.
Suno diri, gina-istoryahan na lamang ang formula kun paano ini matigayon.
Suno sa iya, nagalaom ang administrasyon nga ang proyekto ang makabenepisyo sa 15 million families ukon 60 million nga mga pumuluyo.
Ang programa para sa mga indigents ang naroll-out na sa Visayas kag ginalauman nga malunsyar sa iban nga area nga may mataas nga poverty incidence.
Samtang, ginabasol naman ni President Ferdinand Marcos Jr. ang smuggling kag “spoiled” government officials sa malapit tatlo ka tuig nga delay sang iya ginpromisa nga P20 per kilo nga bugas.
Suno diri, nangin spoiled ang mga opisyales kag puro importasyon na lamang ang ginahimo kun sa diin iban diri ang legal samtang may yara man sang illegal.
