Palaparon pa sang Department of Agriculture ang P20 per kilo rice program sa Kadiwa centers sa bilog nga pungsod sa second half sang 2025.
Ini matapos 20 ka dugang nga centers sa palibot sang Metro Manila, Bulacan, Cavite, Laguna, Mindoro, kag Rizal ang nagsugod na sa pagbaligya sang mas barato nga bugas sang Huwebes.
Suno kay Agriculture Secretary Francisco Tiu Laurel Jr., pagabuksan sang DA ang 50 tubtob 55 ka mga Kadiwa outlets nga magabaligya sang P20 rice program sa Hunyo.
Suno sa DA chief, ang phase 2 ang pagalakipan sang mga areas sa Mindanao, kaangay sang Bangsamoro Autonomous Region in Muslim Mindanao (BARMM).
Suno kay Laurel, pila ka mga local government units ang nakaperma na sang isa ka memorandum of agreement (MOA) kaupod ang DA para sa P20 rice program.
Pila sa mga ini amu ang Bohol, Siquijor, kag Southern Leyte.
